Apellyatsiya arizalarini ko‘rib chiqishda talabgorlarning 15 foizi ishtirok etdi — DTM

Davlat test markazida 17-sentabr kuniga belgilangan apellyatsiya arizalarini ko‘rib chiqish jarayoni yakunlandi. Bu haqda DTM axborot xizmati xabar berdi.

Qayd etilishicha, apellyatsiya arizalari joriy yilning 7-sentabrdan boshlab Apellyatsiya komissiyasi tomonidan bevosita talabgor ishtirokida ko‘rib chiqildi.

Bundan 7–17-sentabr kunlari apellyatsiya arizalari ko‘rib chiqilishi belgilangan 5 980 nafar talabgordan 889 nafari (14,9 foizi) ishtirok etgan. Shundan:

• OTMlarning bakalavriat ta’lim yo‘nalishlariga kirish test sinovlari bo‘yicha — 744 nafar (4 980 nafar abituriyentdan)
• Xorijiy va nodavlat OTMlardan o‘qishni ko‘chirish test sinovlari bo‘yicha — 145 nafar (1 000 nafar talabgordan).