Shu yildan boshlab maktabdagi baholar OTMga kirishda hisobga olinadi

Hukumat qarori (696-son, 19.11.2021 y.) bilan Taʼlim tashkilotlari bitiruvchilari baholarining o‘rtacha ko‘rsatkichini hisoblash va uni oliy taʼlim tashkilotlariga kirish imtihonlarida inobatga olish tartibi to‘g‘risidagi nizom tasdiqlangan.

Nizomga muvofiq, maktab bitiruvchilarining shahodatnomasidagi 11 yillik taʼlimning so‘nggi 6 yillik baholari OTMga kirishdagi balga qo‘shiladi. Baholar elektron platformalar orqali hisoblanadi va DTMning “ABITUR” dasturiga yuboriladi.

Baholarning o‘rtacha ko‘rsatgichi 6-11-sinflardagi yoki 1-2-bosqichlardagi (litsey, kollej) yillik baholarning umumiy yig‘indisini o‘qitilgan fanlarga bo‘lish orqali chiqariladi.

Maksimal ball 100 foiz deb olinadi va ballar baho tizimiga quyidagicha o‘tkaziladi:

• 86-100% uchun – 5 baho va abituriyentning kirish imtihoni natijasiga 5 ball qo‘shiladi;

• 71-85% – 4 baho;

• 56-70% – 3 baho;

• 56%gacha – 2 baho.

Asos: “Oliy taʼlim tashkilotlariga kirish imtihonlarida abituriyentlarning taʼlim to‘g‘risidagi hujjatlariga qo‘yilgan baholarini inobatga olish tartibini joriy etish chora-tadbirlari to‘g‘risida” gi Vazirlar Mahkamasi 19.11.2021 y. №696 qarori.