Mandatni eʼlon qilinish sanasi aniq bo‘ldi

Bu yil ham abituriyentlar necha ball to‘plaganini test topshirgan kunining ertasiga bilishi mumkin, deya Kun.uz'ga ma’lum qildi DTM direktori o‘rinbosari Sardor Rajabov. Uning so‘zlariga ko‘ra, yakuniy javoblar (mandat) imtihonlar yakunlanganidan keyin 1 hafta ichida e’lon qilinadi.

DTM mutaxassisi G‘ayrat Yo‘ldoshevning aniqlik kiritishicha, mandat e’lon qilinishi 26-27 avgust sanalariga to‘g‘ri kelishi kutilmoqda.

20 avgust kuni so‘nggi imtihonlar bo‘lib o‘tadi.

Abituriyentlar test natijalarini imtihon topshirgan kunining ertasiga, o‘qishga kirgan-kirmaganini esa mandat e’lon qilinganidan keyin quyidagilar orqali bilishi mumkin:

• my.dtm.uz saytidagi shaxsiy kabinet;
• @e_dtm_mandatbot, @e_dtm_mandat1bot, @e_dtm_mandat2bot, @e_dtm_mandat3bot, @e_dtm_mandat4bot Telegram-botlari.

Yuqoridagi platformalarda javoblar varaqasi ham joylashtiriladi. Bu orqali abituriyentlar qaysi savollarga to‘g‘ri, qaysilariga noto‘g‘ri javob belgilaganini ko‘rishi mumkin.

Apellyatsiya arizalari 21 avgustdan 30 avgustgacha qabul qilinadi.