Bu yilgi qabul 20 iyundan 20 iyulgacha davom etadi. Prognozlarga ko‘ra, 1 mln 260 ming abituriyent hujjat topshirishi kutilyapti. Abituriyentlarga asqotadigan ma’lumotlar jurnalistlar tomonidan bir sahifaga jamlandi.
Maktab bahosini hisobga olish nima bo‘ldi?
Shu yilgi qabuldan boshlab maktab va o‘rta maxsus muassasalar bitiruvchilarining oxirgi 6 yillik baholari kirish imtihonlarida hisobga olina boshlashi kerak edi. Tegishli qarorga ko‘ra, bitiruvchiga maksimal 5 ballgacha qo‘shib berilishi mumkin. Biroq bu tartib qanday ishlashi, bu yildan amalga kiritilishi yoki yo‘qligi bo‘yicha hozirgacha biror ma’lumot berilmadi. Aksincha, bundan 10 kun oldin maktab baholarini hisobga olishga oid qaror qaytadan ko‘rib chiqilayotgani va o‘zgarishi mumkinligi, bu bo‘yicha “yaqin orada” ma’lumot berilishi haqida aytildi.
Mas’ullar aytgan “yaqin ora” qachonligi noma’lum bo‘lgani kabi baholarni hisobga olish tartibi ishlash yoki ishlamasligi ham mavhumligicha qolyapti.
OTMlar
