Tarix yo'nalishi bitiruvchilari qanday kasblarni egallashi mumkin?

Tarix yo'nalishi bitiruvchilari qanday kasblarni egallashi mumkin?

Ko‘pchilik tarix fakultetini faqat o‘qituvchilik yoki tadqiqotchilik bilan bog‘laydi. Aslida esa tarixshunoslik turli kasb va sohalarga eshik ochib beradigan yo‘nalishdir. Tarix bo‘yicha ta’lim olgan bitiruvchilar o‘z bilim va tahliliy qobiliyatlarini turli sohalarda, jumladan, jurnalistika, arxivshunoslik, muzeyshunoslik, huquqshunoslik va hatto biznes yoki xalqaro munosabatlar kabi yo‘nalishlarda ham qo‘llashi mumkin.

Ushbu maqolada tarix yo‘nalishini tanlagan talabalar kelajakda qaysi kasblarni egallashi va mehnat bozorida o‘z o‘rnini qanday topishi mumkinligi haqida batafsil ma’lumot beramiz.

Davlat va nodavlat tashkilotlarda:

• Umumiy o‘rta ta’lim maktablarda tarix fani o‘qituvchisi;
• O‘rta maxsus va professional ta’limda tarix fani o‘qituvchisi;
• O‘zbekiston Respublikasi fanlar akademiyasi va tarmoq ilmiy-tadqiqot institutlarida hamda mustaqil tadqiqotchi sifatida ilmiy-pedagogik tadqiqot ishlari bilan shug‘ullanish;
• Umumiy o‘rta ta’lim maktabi direktori kasb standartiga muvofiq ta’lim muassasasini boshqarish;
• Umumiy o‘rta ta’lim maktabi, professional ta’lim muassasalari, oliy ta’lim muassasalarida laborant, kabinet mudiri sifatida faoliyat yuritish kabi kompleks masalalarni majmuasini qamrab oladi.

Bakalavr kasbiy faoliyatlarining ob’yektlari:

• Umumiy o‘rta, o‘rta maxsus, professional ta’lim muassasalarida;
• Maktabgacha va maktab ta’limi vazirligi tizimidagi idoralarda;
• O‘zbekiston Respublikasi Fanlar akademiyasi va tarmoq ilmiy-tadqiqot institutlarida;
• Davlat boshqaruv organlari, o‘rta, o‘rta maxsus kasbiy ta’limning davlat va nodavlat muassasalarida;

Yo‘nalish bo‘yicha bakalavr kasbiy faoliyatlarining turlari:

• pedagogik;
• ilmiy-tadqiqot;
• ma’naviy-ma’rifiy;
• tashkiliy-boshqaruv.